Estropada berezia izango du gaur Hondarribiak
ARRAUNKETA
Astillero klubak eta Cantabriako Federazioak antolatutako estropada berezian parte hartuko du gaur Hondarribia Arraun Elkarteak.”VI. Traineruen Igoera” eta zortzikoen “San Jose Saria” jokatuko dira batera eta bi modalitateetan 5.000 metroko igoera bat eta 500 metroko sprint bat egin beharko dira. Guztira hamazazpi taldek parte hartuko dute baina hiruk bakarrik egingo dute bi modalitateetan. Astillero, Bermeo eta Hondarribia izango dira hain zuzen ere, sari orokorra lortzeko aukera izango duten bakarrak. Berdeek hiru ontzi izango dituzte, zortzikoaz gain, A eta B traineruak eramango dituztelako. Azpimarratzekoa da zortzikoan parte hartzen duten arraunlariek ezin izango dutela traineruan arraun egin, eta alderantziz.
