Etorkinenganako aurreiritziak apurtzeko eta elkar ezagutzeko bazkariak baliatuko ditu `Bizilagunak' ekimenak azaroaren 18an
SOS Arrazakeriak Gipuzkoak “Bizilagunak” edo “Next Door Family” izeneko ekimena aurrera eramango du azaroaren 18an. Ekimena sinplea eta eraginkorra da. Etorkinen eta bertako familien arteko bazkari topaketak egitea proposatzen dute, elkarezagutza bultzatu eta aurreiritziak apurtze aldera. Dagoeneko horrelako 60 bazkari, eta beraz, 120 familik bat egin dute ekimenarekin Gipuzkoa osoan. Famili bietako baten etxean topatuko dira bazkaltzera, guztiak batera eta aldi berean gainera.
Gipuzkoan ez ezik, Europako beste zazpi herrialdeetan ere, ekimen berbera aurrera eramango dute. Txekia, Belgika, Hungaria, Italia, Malta, Eslobakia, Espainia eta Portugalen. Behe Bidasoa eskualdea ere ez da atzean geratzen, eta Adiskidetuak elkartearekin hamabi famili lotu dituzte dagoeneko. Honen inguruan, Anaitze Agirre, SOS Arrazakeriako ordezkariarekin mintzatu gara.
erlazionatua: Migratzea deliturik ez dela aldarrikatu du Isiltasunaren Zirkuloak Hendaiako komisaldegian Hendaiako Udalak eta Familia-laguntza Kutxak 2010-2013 urteetarako balio duen “Haur eta Gazte” Kontratuaren gehigarrizko akta izenpetu dute
