Last minute: Fagor Etxetresnak lortzeko hordagoa jo du Catak eskaintza onenarekin "Abiadura egokian" doa Eroskiren zorraren negoziazioa Konstituzionalak atzera bota du Bateragunekoen babes helegitea Norabide aldaketaren bultzatzaileak "Gatazka naturala da, egunerokoa" Euskaraz egiteko eskatzeagatik, Zuhatzako begirale bat kaleratu dute ESANA. JAVIER DE ANDRES. Arabako ahaldun nagusia Sexu abusua egitea egotzita atxilotu dute gizonezko bat 2017an bukatuko dituzte Ermuko saihesbideko lanak Ipar eta Hegoaldeko gazteak, bat eginda udalekuetan
feeds
Listen live!

Latest

May 2, 2012

Hondarribiko Bentako TAO isunak

img/tao.jpg
Play Download

Hondarribiko Bildu udal taldeak, Udal Gobernuak Bentako TAO aparkalekuarekin egiten ari dena legitimoa ez dela salatu du berriz ere. Eusko Jaurlaritzak eta Hondarribiko Udalaren artean Bentako aparkalekuaren kudeaketarako hitzarmena martxoaren 15ean indarra galdu ondoren, Bilduk martxoaren 21ean salatu zuen lehen aldiz, Udalak eskumenik gabe aparkalekuaren TAO zerbitzua bere horretan mantentzen zuela. Zentzu horretan, Bilduk salaketa publikoa egin ondotik, "mendeku politiko" bezala, udaltzainek berriz ere isunak jartzeko agindua jaso dutela salatu zuen joan den ostiralean Bilduk.

Hala, udal ordenantzak dioen bezala, aparkalekuaren errotazio bultzatu beharrean, Udal Gobernuak TAO zerbitzua dirua biltzeko tresna bilakatu duela salatu dute. Baina Bildu haratago joan da. Izan ere, asteotan Bentako aparkalekuan TAO EZ ordaintzeagatik isuna jaso duten herritarrek, isunean ibilgailua Matxin de Artzu kalean aparkatua zegoela jartzen zuen, eta ez Bentan, bertako TAO makina martxan egotekotan azaldu beharko zuen bezala. Hortaz, udaltzainek Bentako aparkalekuan isunak jartzeko sistema ere legala denik ezbaian jarri du Bilduk, eta Udalari gauzak argi ditzala eskatu dizkio, baita erantzunkinzun politikoak ere.

Baina bien bitartean, herritarrek zer egin dezakete? Hondarribiko Udalak dio TAO ordaindu egin behar dela, baina isunak legalak ote diren ere ez da argi. Bilduko bozeramailea, Ibai Labaienek ez du TAO ez ordaintzea galdegiten. Baina argi dauka gutxienez, isun horiek errekurritzeko bidea dutela

close