Olentzero Rock: 1000 jostailu
Joan den larunbatean Hendaiako Merkatu Zaharrean ospatutako Olentzero Rock Jaialdiaren bigarren ekitaldian, 500 jostailu inguru bildu zituzten, Ze Esatek, The Lookers eta Ekintza taldeen kontzertura sartzeko, jostailu bat entregatu behar baitzen. Horiei, aurreko asteotan Hendaiako 50 komertziotan egindako kanpainan zehar bildutako beste 500 jostailuak gehitu behar zaizkie. Beraz, mila guztira, iaz bildutakoaren bikoitza lortu dute aurten.
Jostailu hauek prezio murritzetan salduko ditu Denentzat Zentro Sozialak, Orio auzoan abenduaren 19an eta 20an antolatutako bigarren eskuko azokan. Eta bildutako diruarekin, beharrak dituzten famileindako aisialdi jarduerak antolatuko dituzte datorren urtean.
erlazionatua: Olentzero Rock 2012
